Medical mission, relief operations, naisayangkat

STO. DOMINGO, Ilocos Sur- Insayangkat ti Provincial Disaster Coordinating Council, Ilocos Sur Medical Society ken ti Provincial Health Office ti medical mission kadagiti biktima ti bagyo iti sumagmamano a barangay ditoy nga ili.

Naikkan iti libre a serbisio medikal dagiti agindeg iti barangay Nalasin, Lagatit, Binangonan, Nagbettedan ken Sto. Tomas a nadidigra iti bagyo.

Naiwaras pay dagiti relief goods kadagiti biktima ti bagyo nga agnaed kadagiti nasao a barangay.

Sakbayna, insayangakat ti grupo ti medical mission iti barangay Paratong iti Sinait ken kalpasan ditoy nga ili, iti barangay Villamar iti Caoayan ken ti San Juan.#