Menor de edad, aksidente a napaltogan

SAN JUAN, Ilocos Sur – Aksidente a napaltogan ti maysa a caretaker iti puttot ti gayyemna a menor de edad iti uneg ti kalapaw ti maysa a fishpond iti Barangay Sunggiam ditoy nga ili idi agarup alas 12:20 ti malem ti Marso 23.

Aksidente a napaltogan ni Gerry Agno y Gorospe, 18, out of school youth, caretaker ti fishpond, taga-Batangan, Gonzaga, Cagayan ngem agnaeden iti Barangay Refaro, San Juan, ni Mark Allan Vite y Gorospe, 13, 1st year student, a nakadunoran ti menor de edad.

Segun iti inbestigasion, bayat ti kaadda ti suspek, biktima ken dua pay a kaduada iti uneg ti kalapaw, binalaan ni Agno ti airgun ngem aksidente a pimmutok a nakapuntaan ti makannigid a barukong ni Vite.

Naitaray ti biktima iti Pira Hospital iti Cabugao, sa naiyalis iti Metro Vigan Cooperative Hospital.

Insuko ti barangay captain ti suspek agraman ti air gun iti polis.#