Menor de edad, dinisnog ti kabsat ti GFna

BANTAY, Ilocos Sur – Nadisnog ti maysa a barito idi napanna intulod ti gayyemna a babai iti balayda sadiay Barangay Lingsat, Bantay, Ilocos Sur.

Segun iti report, dinisnog ni Edison Rapin, 18, ken residente iti Barangay Lingsat, Bantay, ni Marvin Sotela y Paeta, 14, idi napan intulod ti barito ni Claudine Rapin, 14, inaudi a kabsat ni Edison, idi agarup 6:00 ti malem ti Septiembre 14.

Mapapati a nakarurod ni Edwin idi naammuanna a kagapgapu nagpasiar iti Vigan City dagiti dua ket dinisnogna iti sumagmamano a beses ti biktima.

Idi naammuan dagiti nagannak ni Marvin ti napasamak, napanda iti balay ni Edison tapno makilinnawagda ngem imbaga ti ina ti balasitang nga agsublidanto laengen iti sumuno nga aldaw ta napudot ti ulo ti asawana a ni Eddie Rapin, polis ti Santa.

Idi pumanawen dagiti agama, mapapati nga adda nagpaputok ti paltog.

Naipan ni Marvin iti Gabriela Silang General Hospital tapno maagasan dagiti dunorna.#