Menor de edad, nagsalungasing iti curfew hour

CANDON CITY – Dua a babbai ti naipan iti estasion ti polis ditoy gapu iti panagsalungasingda iti curfew hour kalpasan a naduktalan a menor de edad ti maysa.

Nasalamaan dagiti polis bayat ti panagpatroliada da Vicky Marzan y Bagbaguen, 18, residente iti Tiagan, San Emilio ken ti kabsatna a nailinged iti nagan a Mary, 16, nga agiinom iti Valdez Restaurant iti Barangay Ayudante ditoy iti agarup alas 10 ti rabii.

Naduktalan dagiti polis a menor de edad ni Mary ket impanda dagitoy iti police station gapu iti panagsalungasingda iti curfew ordinance.#