Menor de edad, natagbat bayat ti rambol

NARVACAN, Ilocos Sur. Maysa a barito ti nangtagbat iti padana met laeng a menor de edad iti maysa a rambol iti Barangay Lungog ditoy nga ili itay nabiit.

Segun iti report, madama nga aggiinom ti grupo ni Aries (parbo a nagan ta menor de edad) idi simmangpet ti grupo ni Benny (parbo a nagan) ket naparnuay ti dida panagkikinnaawatan a nagtungpal iti panagrarambolda.

Idi agnadnad ti rambol, maysa kadagiti menor de edad ti natagbat.

Madama ti inbestigasion mainaig iti nasao a rambol.#