Footer

Menor de edad, natiliw a nagsikuat iti bag

TAGUDIN, Ilocos Sur – Menor de edad pay laeng daytoy suspek ngem natureden nga agsikuat iti bag. Ngem malasna ta nakapagpaarayat ti biktima a nagtungpal iti pannakatiliwna.

Segun iti report, nagpammarang a kustomer da Mark Tani Rapis y Abila, 15, agnaed iti Tonsoya, Malabon, Metro Manila ken di nabigbig a kaduana iti paglakuan ni Flordelina De Leon y Elvena, meat vendor, ket idi naaddaan iti tiempo, sinikuat ti menor de edad ti bag ti negosiante sana intaray.

Nagpaarayat ni De Leon ket kinamat dagiti polis a nairana nga agpatpatrolia iti asideg agingga iti naipiskotda daytoy ken narekobredo ti bag a naglaon iti P700 ken dua a selpon.

Nakataray ti di pay nabigbig a kadua ni Tani ket birbiroken dagiti polis.#