Menor de edad, sumsumrek iti galiera: konsehal

STA. CATALINA, Ilocos Sur – Uray menor de edad, makastrekda a makisugal iti galiera, daytoy ti imbatad ti maysa a konsehal iti session ditoy nga ili itay nabiit.

Imbatad ni Konsehal Expedito Rapanut ti kapaliiwanna ti kaadda latta dagiti menor de edad a mapalpalubosan a sumrek iti galieria iti Barangay Cabaroan ditoy nga ili a mapan makidado.

Linagidaw ti konsehal ti mapapati a kaawan ti aksion dagiti barangay officials iti Cabaroan ken ti PNP iti daytoy nga inruarna iti sangguniang bayan.

Naipaima ti problema iti komite ti peace and order nga idauluan ni Konsehal Antonio Rabuya.#