Midwife, napapatay gapu iti riri ti daga

MANGATAREM, Pangasinan – Maysa a midwife ti napapatay gapu iti mapapati a riri ti daga iti Barangay Casilagan ditoy nga ili.

Pimmusay ni Violeta Agacet, midwife, iti ospital a nakaitarayanna kalpasan a pinaltogan ni Alfredo Naprada, retirado nga empleado ti Navy iti agsapa ti Mayo 26.

Segun iti report, mapan koman agtrabaho ti biktima idi pinaltogan ti suspetsa.

Naitaray ti biktima iti Mangatarem District Hospital sa naiyalis iti Sto. Nino Hospital iti Camiling, Tarlac a pimmusayanna.

Simmuko ti suspetsa iti polis kalpasan ti pammaltog.#