Miembro ti CAFGU, napalab-ogan iti buy bust operation; sabali, napapatay

SALCEDO, Ilocos Sur – Balligi ti buy bust operation nga insayangkat dagiti nagtitipon nga elemento ti Sta, Cruz police station ken iti pannakikoordinar ti PAIDSOTG ken PDEA-ISSET nga indauluan ni Police Chief Insspector Simeon Gawec Damolkis maikontra iti maysa a miembro ti CAFGU sadiay Barangay Bayugao Este, Sta. Cruz, Ilocos Sur idi rabii ti Agosto 20.

 

Naapput dagiti operatiba iti daytoy nga operasion ni Jolly Gumangi y Bingo, 34, baro, residente iti Barangay Daligan, Sta. Cruz, ken aktibo a miembro ti CAFGU.

Nakakumpiska dagiti operatiba manipud ken ni Gumangi iti maysa a kilo a mapapati a bricks ti bulong ti marihuana a nabungon iti packaging tape, 2 a sag-P1,000.00, maysa a P500.00 a naaramat a marked money, ken sensilio iti nagduma a denominasion nga agdagup iti P34.00.

Naipan ti suspek iti police station ti Sta. Cruz para iti umisu a disposision ken pannakaisagana iti kaso maikontra kenkuana.
Kabayatanna, di pay ammo dagiti inbestigador no asino ti nangpapatay iti maysa a miembro ti Civilian Armed Forces Geographical Unit (CAFGU) iti likud ti balayna sadiay Barangay Baluarte ditoy nga ili idi sardam ti Agosto 16.

Kasta met a madama pay ti panagpalutpot dagiti polis no ania ti motibo iti pannakapapatay ni Rogelio Botun y Lumitap, 57, naasawaan, residente iti Barangay Baluarte ken miembro iti CAFGU, 70th Infantry Battalion Cadre (IBC), 7th ID, Philippine Army a nakabase iti Barangay Padaoil, Sta. Cruz, Ilocos Sur.

Iti panagsalsaludsod dagiti inbestigador ken ni Medina Ambatang y Relado, 45, kalib-in ti biktima, imbagana a sakbay ti pammapatay, agbuybuyada ken ni Botun iti telebision iti kuartoda idi agarup alas 6:00 ti malem iti nadakamat a petsa.

Kinuna ni Ambatang nga imbaga ni Botun ti ipapanna panagdigos iti likud ti balayda.

Kalpasan ti sumagmamano a minutos, nakangeg ni Ambatang kadagiti kanalbuong a naggapu iti likud ti balayda ket nagtaray a rimmuar a nagpaarayat kadagiti kaarrubada.

Dagus a naipakaammo ti napasamak iti barangay captain ket kaduana dagiti barangay officials a nagturongda iti balay ni Botun tapno ammuenda no ania ti napasamak.

Nasarakan dagiti opisial ti barangay ni Botun a nakadalutaytay iti likud ti balayda.

Nakarekobre dagiti inbestigador iti lima a kapsula manipud iti cal. 45 iti nakapasamakan ti krimen.

Iti pannakaisurat daytoy, nakikoordinaren dagiti inbestigador iti 70IBC, 7ID, PA, Padaoil Detachment para iti biographical profile ti biktima.

Kabayatanna, balligi ti buy bust operation nga insayangkat dagiti nagtitipon nga elemento ti Sta, Cruz police station ken iti pannakikoordinar ti PAIDSOTG ken PDEA-ISSET nga indauluan ni Police Chief Insspector Simeon Gawec Damolkis maikontra iti maysa a miembro ti CAFGU sadiay Barangay Bayugao Este, Sta. Cruz, Ilocos Sur idi rabii ti Agosto 20.
Naapput dagiti operatiba iti daytoy nga operasion ni Jolly Gumangi y Bingo, 34, baro, residente iti Barangay Daligan, Sta. Cruz, ken aktibo a miembro ti CAFGU.

Nakakumpiska dagiti operatiba manipud ken ni Gumangi iti maysa a kilo a mapapati a bricks ti bulong ti marihuana a nabungon iti packaging tape, 2 a sag-P1,000.00, maysa a P500.00 a naaramat a marked money, ken sensilio iti nagduma a denominasion nga agdagup iti P34.00.

Naipan ti suspek iti police station ti Sta. Cruz para iti umisu a disposision ken pannakaisagana iti kaso maikontra kenkuana.#