Mikilunggay, mailaklakon iti tiendaan publiko

CABUGAO, Ilocos Sur – Umad-adu dagiti aggatang iti mikilunggay a produkto daytoy nga ili.

Naammuan a mailaklakon iti inaldaw manipud iti alas 8 agingga iti alas dose ti mikilunggay (napaglaok nga arina ken nabegbeg a napagango a bulong ti malunggay) iti Ilocos Food Court kasta dagiti puesto iti Northern Ilocos Sur Trade Center.

Ti mikilunggay ti one town one product daytoy nga ili.

Kanaig, daytoy indagadag dagiti agtuturay ditoy ti pannakaited iti suporta kadagiti dadduma pay a produkto kas iti mikiluyot (miki ken saluyot), ken mikibong (miki ken rabong).#