Footer

Minibus, traysikel, nagdinnungpar

PIDIGAN, Abra – Nagdinnungpar ti maysa a minibus ken traysikel iti kalsada nasional a sakup ti Barangay Pangtod ditoy nga ili idi alas 2:10 ti malem idi Hunio 26.

Iti pakauna nga inbestigasion nga insayangkat dagiti polis, agturong iti kabesera ti traysikel a Yamaha RS 100 a minaneho ni Amado Aristan y Palo, 42, mannalon, ken taga-Barangay Alinaya, Pidigan ket iti pagsikuan a nakapasamakan ti aksidente, maipagarup nga immagaw iti linia ti  kasinnabatna a minibus a minaneho ni Ricky Banayos y Tupas, 39, ken residente iti Sitio Pagaro, Brgy. Sao–atan, Bangued, Abra,  a nagresulta iti panagdinnungparda.

Napilpil ti sango ti minibus idinto a napitpit dagiti nadumaduma a paset ti traysikel.

Naipit ni Aristan ngem naakkal met laeng dagiti immarayat sada intaray iti Abra Provincial hospital.

Awan ti nasaktan kadagiti pasahero ti minibus.#