Footer

Minor seminaries, nagsasalip iti SANGKAN IV 2008

VIGAN CITY – Sangapulo ket dua a minor seminaries iti agduduma a probinsia ti Luzon ti nagsasalip iti SANGKAN IV 2008 a naangay  iti Immaculate Conception Minor Seminary ditoy itay nabiit.

Karaman kadagiti partisipante dagiti minor seminaries manipud Laoag City; La Union; Bimmaley, Pangasinan; Makati City; Sariaya, Quezon; Sorsogon City; San Jose, Batangas, Lipa City ken Tuguegarao City, Cagayan.

Kinuna ni Gob. Deogracias Victor “DV” B. Savellano a maysa daytoy a wagas a panaginana ti utek dagiti seminarista ken mangitunda kadakuada iti nasalsalun-at a bagi ken pakasursuruan pay iti napintas nga adal kas iti teamwork, kooperasion, ken panangisakripisio iti bukod nga interes para iti pagsayaatan ti grupo.

Innayon ti gobernador a maysa daytoy a napintas a tradision a mangmuli kadagiti seminarista nga agbalinto a lideres iti masanguanan.#