Footer

Misis, binagsol ni mister

SAN JUAN, Ilocos Sur – Gapu iti imon, binagsol ni mister ni misisna idi parbangon tattay Nobiembre 21, sadiay Brgy. Sabangan, San Juan, Ilocos Sur

Binagsol ni Fredelito Racadio y Torda, 43, Brgy. Tanod/construction worker, ni misisna a ni Marilou Racadio y Natial, 38, tindera iti Big Mak Stall, agnaedda iti Brgy. Sabangan, San Juan, Ilocos Sur.

Sakbay ti pammagsol, naammuan a nagsubang dagiti agassawa ket nabagsol ni Racadio, mapapati a nabartek, ni Marilou a baketna iti baba ti kannigid a barukongna. Naitaray ni Mariou idiay Suero General Hospital iti Cabugao, I. Sur a nakatamingan ti sugatna sa nayalis iti Gabriela Silang Gen. Hospital, Vigan.

Simmuko met ni mister kadagiti nagresponde a polis ti San Juan PS. Naipan ni mister iti Suero Gen. Hospital tapno maeksamen sa naipan iti San Juan PS para iti umisu a disposision.  Saan a narekobre ti igam a nausar ket imon ti motibo iti nasao a pammagsol. (Tawid News Team)