Footer

Misis, naloko babaen ti telepono

BAGUIO CITY – Nagreklamo ti maysa a misis it polis ditoy gapu iti pannakalokona iti telepono a nakapukawanna iti P80,000.

Iti reklamo ni Melice Sapdoy, 43, residente iti Purok 10, Pinget, ditoy siudad, nakaawat iti telephone call manipud iti maysa lalaki a nangipakaammo kenkuana nga adda ti kabsatna a ni Myrna Malingan a maag-agasan iti Subic kalpasan a dinangran ti amona a  pagtrabtrabahuanna kas domestic helper sadiay Israel.

Segun pay iti timmawag kenkuana, kasapulan ti P80,000 para iti gastuen ti kabsatna iti  pannakatamingna.

Kalpasan ti panangted ti biktima iti kuarta, kinontakna ti kabsatna ket naduktalanna laengen a saan nga agpayso a nadangran.#