Misis, namin-adu a rinames ti maysa a baro

CANDON CITY – Kalpasan ti nabayag a panagulimekna, nagpulong idi Marso 25 ti maysa a misis a rinames ti kaarrubada a baro iti namin-adu manipud pay idi Paskua idi napalabas a tawen.

Innaganan ni Sheena, (parbo a nagan) 41, residente iti Barangay Caterman ditoy siudad, ti suspetsa a maysa a Jonjon Jose, 18, ken kaarrubana met laeng.

Kas impulong ti biktima iti polis, matmaturog iti balayda iti agarup ala una ti parbangon ti Disiembre 25 idi napan a tawen idi simrek ti suspek, tinutokanna iti kutsilio sana rinames.

Kinuna ti biktima a namin-adu pay a rinames ti suspek kalpasan daydi damona a pannakarames.

Segun iti biktima, nagulimek lattan iti napalabas agsipud ta nagbuteng iti mapapati a pangta iti suspek nga adda mapasamak kenkuana no agpulong.

Agtultuloy ti inbestigasion mainaig iti pulong ti biktima.#