Misis, pinaltogan ti lakayna, natay

SALCEDO, Ilocos Sur – Saanen a naiyabot pay a sibibiag iti ospital ti maysa a misis kalpasan a pinaltogan ti lakayna iti uneg ti pagtaenganda idi malem ti Marso 25.

Inaresto dagiti nagresponde a polis ni Florencio Baguioen, residente iti Barangay Culliong, ditoy nga ili gapu iti panangpaltogna iti asawana a ni Teresita Baguioen y Javillonar.

Mapapati a pinagawid ti suspek ti asawana ket idi addadan iti balayda, pinaltoganna daytoy babaen ti homemade shot gun.

Nangeg ti anakna a Florentino ti kanalbuong ket nagtaray a simrek iti balayda ngem nadatngannan ti inana a nadigos iti dara idinto nga iggem pay ti amana ti paltog.

Naideklara ti biktima nga awanen ti biagna idi maidanon iti Sta. Lucia District Hospital.

Iti pannakaisurat daytoy, di pay ammo ti motibo ti pammaltog.#