Footer

Misis, pinaturongan ni mister iti paltog

CANDON CITY – Nagpulong ti maysa a misis iti polis a pinaturongan ni lakayna iti paltog bayat ti panagapada.

Iti pulong ni Emma Gandol, 54, residente iti Sitio Lipit, Barangay Calaoa-an ditoy siudad, pinaturongan ti asawana a ni Aurelio, 49, a nagramut iti panagsubangda nga agassawa.

Segun ken ni Gandol, kinastigona ni lakayna gapu ta nabartek daytoy ket di pay nangaldaw dagiti annakda idi sumangpet manipud iti trabaho.

Mapapati a pinaturongan ni Aurelio ti baketna iti cal. .38 a paltog nga addaan iti lima a bala.

Kinapkapan dagiti nagresponde a polis ni Aurelio ngem awan nakitada a paltog daytoy.

Nagsukain ni Emma ket idi nasarakanna ti paltog ni lakayna, insukona daytoy kadagiti polis.#