MOA ti pannakaitag-ay kalintegan pantao, napirmaan

SAN FERNANDO, Ilocos Sur – Maysa a katulagan para iti  pannakaitag-ay ti kalintegan pantao  ti nagpinnirmaan ti police regional office ken ti Commission on Human Rights ditoy itay nabiit.

Pinirmaan da Police Chief Supt. Romeo C. Hilomen, Police Regional Office regional director,  ken ni Atty. Anita M. Chauhan, regional director ti CHR ti nasao a katulagan para iti pannakaipromot ti adbokasia iti pannakasalaknib ti kalintegan pantao dagiti umili iti rehion.

Sagudayen ti katulagan nga agtinnulong ti Region 1 police ken ti CHR R01 para iti pannakaipromot ken pannakasalaknib ti human rights iti rehion.

Kinuna ni Hilomen a babaen ti nasao a katulagan, mapapigsa ken mapabileg ti human rights advocacy iti PRO1 ken mangted iti panagtalek iti tunggal polis officer ti Region I iti pannakatun-oy ti “Mamang Pulis”. (Danny Antalan)