Monitoring camera, maipasdek

VIGAN CITY – Maipasdek dagiti kamera kadagiti nadumaduma a paset ditoy siudad tapno makatulong no adda krimen a mapasamak.

Daytoy ti maysa nga impalgak ni Gov. Luis “Chavit” Singson bayat ti pannakiuman kenkuana ti media mainaig dagiti addang a maipakat iti sanguanan ti pannakapapatay ti maysa a barangay captain ken maysa a polis iti asideg ti provincial capitol idi Abril 11.

Sakbayna, pinaayaban ni Singson ti provincial director ken dadduma pay nga opisial ti PNP ditoy siudad tapno mangtedda iti update mainaig iti pammapatay.

Imbilin pay ti gobernador iti pannakaikabil dagiti agbantay a polis kadagiti sumrekan ken ruaran iti siudad ti Vigan.#