SAN JUAN, Ilocos Sur – Maysa a mortar cartridge bomb ti insuko ti maysa a residente ti Barangay Guimod Norte ditoy nga ili iti polis idi agsapa ti Hulio 12.
Segun ken ni John Villa y Jimenez, 31, residente iti nadakamat a barangay, naalana ti nasao a bomba kadagiti ubbing a mapan koma mangilako iti daytoy iti maysa a junkshop.
Naammuan a nasarakan dagiti ubbing ti bomba iti kabakiran a sakup ti nadakamat a barangay.
Naipaima ti bomba iti Explosive Ordnance Division (EOD) ti Police Provincial Office para iti storage ken maikanatad a safekeeping.#
