Footer

Motorista, biktima ti hit and run

BANTAY, Ilocos Sur – Pimmusay iti ospital a nakaitarayan ti maysa a lakay a biktima ti hit and run iti national highway a sakop ti Barangay Balaleng ditoy nga ili idi agsapa ti Hulio 11, 2010.

Saan a nakalasat ni Severino Perez y Ballesteros, 85, naasawaan, residente iti Balaleng, Amianance, Bantay, Ilocos Sur gapu kadagiti sugatna iti nadumaduma a paset ti bagina gapuanan ti panangsapgid ti maysa a trailer truck iti naglugananna a Gemma 50 scooter.

Segun iti inbestigasion, agpaabagatan dagiti dua a lugan ket iti paset ti Barangay Balaleng, inoberteken ti truck ti scooter ngem aksidente a nasapgidna.

Di pay nabigbig ti kinasiasino ti drayber ti truck agsipud ta naglibas kalpasan ti insidente.#