Footer

Motorista, estudiante, nayospital gapu iti aksidente

CABUGAO, Ilocos Sur – Nayospital nga agpadpada ti maysa a lalaki a motorista ken maysa a babai nga estudiante maigapu iti aksidente a nakainbolbaranda itay nabiit.

Naitaray da Diana Rose Pimentel, 15, third year high school iti Pug-os National High School ken ni Jay-R Sabado, 19, empleado iti Cabugao Beach Resort kalpasan a nadungpar ti motorista ti estudiante.

Segun iti inbestigasion, agballasiw koma ni Pimentel ket mapapati a saan a nasigudan ni Sabado a nakalugan iti motorsiklo ket dina nakontrol ti manibela a puon ti nakadungparanna iti estudiante.

Agpada dagiti dua a naitaray iti Suero Clinic and Hospital tapno maagasan dagiti sugatda.#