Motorista, natay iti pannungpar

CANDON CITY – Maysa a lalaki ti natay kalpasan a dinungpar ti maysa a bus iti Barangay Bagani Campo ditoy siudad itay nabiit.

Natay nga insigida ti biktima a nainaganan nga Eduard Kabute, 20, residente iti Kalumsing, San Emilio, Ilocos Sur gapu kadagiti sugatna.

Iti inisial nga inbestigasion ti polis ditoy, agdaldaliasat ti motorsiklo a minaneho ni Kabute iti Barangay Bagani Campo ditoy siudad ket ag-overtake koma ngem simmungad ti Partas bus a minaneho ni Armando Perez, residente iti Rosario, Pozorrubio, Pangasinan ket ditan a nagdinnungparda.#