Footer

Motorista, natay iti pannungpar

TAGUDIN, Ilocos Sur – Maysa a motorista ti natay iti pannungpar a napasamak iti national highway a sakup ti Barangay Dardarat, Tagudin, Ilocos Sur idi alas 3:00 ti malem ti Agosto 15.

Natay a dagus ni Larry Legaspina y Larioza, 16, residente iti Barangay Barioan, ditoy nga ili, gapu kadagiti sugatna iti ulo ken nadumaduma a paset ti bagina kalpasan a nasapgid ti Fariñas Bus a minaneho ni Robert Manguddatu y Detabali, 48, naasawaan, residente iti Barangay 12, San Nicolas, Ilocos Norte.

Segun iti report, agpada nga agpaabagatan dagiti dua a lugan ket iti nasao a lugar, agoberteyk koma ti bus ngem mapapati a nagsikko nga agpakannigid ti motorsiklo a puon ti nakadungparan ti bus iti motorsiklo.#