Footer

Motorista, natay iti pannungpar

BANTAY, Ilocos Sur – Saanen a naiyabot ti biag ti maysa a lalaki kalpasan a mapapati a dinungpar ti minaneho a motorsiklona ti maysa a dyip iti national highway a sakup ti Barangay Guimod ditoy nga ili iti rabii ti Agosto 2.

Binigbig ti pamiliana ti biktima a ni Regelio Tamag, residente iti Magsingal, Ilocos Sur, iti nakaipananna a puneraria.

Segun iti report, mapapati a kimmaut ti motorsiklo ti biktima iti linia ti para pasahero a dyip a minaneho ni Kevin Somera, 22, residente iti Bacunero, Sto. Domingo, Ilocos Sur a puon ti nagdinnungparanda.#