Motorista, natnag iti derraas

SUGPON, Ilocos Sur – Nabnablo ti maysa a motorista gapu iti pannakatnagna iti derraas iti Barangay Poblacion ditoy nga ili.

Nainaganan ti biktima a ni Leonardo Abaag, Jr. baro, mannalon, residente iti nadakamat a barangay.

Segun iti report, lisian koma ti biktima ti nakurukod a paset ti kalsada ngem nakaruskos ti luganna ket naikuyog a naitapuak iti derrraas.

Nakaro a nadadael ti lugan ti biktima idinto a naitaray daytoy iti Sugpon Health Center sa naiyalis iti maysa nga ospital iti San Fernando City.#