Motorsiklo, bisikleta, nagdinnungpar

SAN ESTEBAN, Ilocos Sur – Nakainom ti nagmaneho iti motorsiklo idi nakidinnungpar iti bisikleta, daytoy ti takuat iti panagimbestiga dagiti polis.

Segun iti report, nagdinnungpar ti Suzuki Raider 150 a minaneho ni Jayson Jay Muños y Abad, 19, baro, ken residente iti Barangay Villa Quirino, San Esteban, Ilocos Sur ken ti bisikleta a linuganan ni Michael Orphilla, 19, ken residente iti Barangay Apatot ditoy met laeng nga ili iti national highway ti Barangay San Nicolas, idi agarup 8:00 ti sardam ti Abril 13.

Iti panagimbestiga dagiti polis, napakaskas ti panagtaray ti motorsiklo ni Muñoz, ket iti nagkurbaan a sakup ti nadakamat a barangay, kimmaut iti bangir a linia a puon ti nagdinnungparanda iti bisikleta a naggapu iti laud nga agpaabagatan iti national highway.

Nakainom ni Muñoz, segun iti doktor a nangasikaso kenkuana iti ospital.#