Motorsiklo, dimmungpar iti dump truck; motorista, insakayna, naiyospital

SANTA, Ilocos Sur – Mapapati a napegges ti taray dagitiĀ  aglumlumba a dua a motorsiklo a nagresulta iti panangdungpar ti maysa ti sarsarunuenda a dump truck ken pannakaikrasna.

Iti report a dimmanon iti kapolisan ditoy, napasamak ti aksidente a nakainbolbaran ti maysa nga Isuzu dump truck (RA 7171) ken maysa a motorsiklo idi agarup 3:00 ti malem ti Nobiembre 17 iti national highway a sakup ti Barangay Mabilbila Sur ditoy nga ili.

Kas maibatay iti police journal, agpaamianan a direksion ti dump truck a minaneho ni Richard Fieldad y Vergara, 45, naasawaan, ken residente iti Barangay San Julian Sur, Vigan City, Ilocos Sur idinto a sumarsaruno iti likudan ti maysa a di nabigbig a motorsiklo a mapapati a kalumlumba ti Honda Wave 125 a minaneho ni Lorenzo Jr Marzan y Del Castillo, 15, baro, awanan lisensia, nakasakay iti likudna ni Janfort Del Castillo y Atanacio, 15, baro,Ā  Grade 11 itiĀ  Bulag National High School ken agpada a residente iti Capangdanan, Bantay Ilocos Sur.

Mapapati a nagmenor ni Fieldad idinto nagsignal ti dump truck nga agpakannawan tapno sumrek iti barangay road ngem aksidente a dinungpar ti Honda Wave motorcycle ti kutit ti truck a puon ti nakaikrasan dagiti biktima.

Intaray dagiti nagresponde a PDRRMC personnel ni Marzan iti Metro Vigan Cooperative Hospital, Bantay idinto a naipan iti Narvacan District Hospital para iti pannakaagasna ti insakayna a maysa a Janfort Del Castillo y Atanacio, 15, baro,Ā  Grade 11 student itiĀ  Bulag National High School .

Nagpakaskas ni Fieldad nga immadayo iti nakapasamakan ti akisente sa boluntario a simmuko iti Bantay police station.

Saan a nailanad iti journal no asino ti kinalumba da Marzan sakbay ti aksidente.#