Motorsiklo, dimmungpar iti poste, drayber, natay

SAN VICENTE, Ilocos Sur – Natay ti maysa a motorista idinto a nadundunor dagiti dua a kalubbonna kalpasan a dinungpar ti luganda ti poste ti elektrisidad sadiay Barangay Pudoc Sur, ditoy nga ili idi parbangon ti Disiembre 16.

Awan ti puot a naitaray iti Metro Vigan Cooperative Hospital da Primson John Tugade y Tano, 19, residente iti Barangay Pudoc Sur, drayber iti Raine MCX motorcycle, ken dagiti kalubbonna a da John Peter Raganit y Piza, 20, awanan asawa ken residente iti Sitio Nagtupacan, Barangay Pudoc, San Vicente, Ilocos Sur ken Trixialie Cabayong, 17, awanan asawa ken residente iti Barangay Ayusan Norte, Vigan City ngem naideklara a dead on arrival ni Tugade.

Limtuad iti inbestigasion nga agpadaya a direksion ti motorsiklo ngem mapapati a nadiskarkulo ni Tugade ket dinungparna ti poste ti elektrisidad.#