Motorsiklo, dimmungpar ti alad, 2 natay

SANTA, Ilocos Sur- Natay iti aksidente ti dua a lalaki iti national highway a sakup ti Barangay Banaoang ditoy nga ili idi Disiembre 28.

Natay a sigida da Gerald Advincula, 22, baro, residente iti Barangay Ampandula ditoy nga ili ken ti kalugaranna a kinalubbonna iti motorsiklo a ni Dionisio Davalos, 22, baro.

Segun iti report, di nakontrol ni Advincula ti motorsiklona ket dinungparna ti alad a kongkreto iti igid ti kalsada iti Barangay Banaoang a puon ti nakasugsugatan dagiti dua.#