Motorsiklo dinungpar ti bus, 6 tattao nadundunor

TAGUDIN, Ilocos Sur – Innem a tattao ti nadundunor idi dinungpar ti maysa a bus ti maysa a motorsiklo iti nagbeddengan ti Barangay Bitalag ken Barangay Libtong ditoy nga ili idi agarup 12:15 ti bigat ti Mayo 20.

Nagsagrap iti dunor iti saka ken imana gapu iti pannakaipitna iti driverā€™s seat ni Renato Cainglit Balbas, 51, nagmaneho iti Florida Bus, ken residente iti Barangay 20-A Gabut Norte, Badoc, Ilocos Norte.

Agpada a nadunor iti abaga dagitiĀ  pasahero ti bus a da Monessa Balignasan Mones, 32, residente iti Barangay Acosta, Batac City, Ilocos Norte; ken Marjorie Tulabi Impelido, 51,Ā  residente met laeng iti Batac City; idinto a nadunor ti agong ken mata niĀ  Naty Rose Padua, 20, taga-Batac City met laeng.

Nagsagrap met iti dunor iti ulo, nadumaduma a garadgad ken nadislokar ti makannawan nga ima ti nagmaneho iti Yamaha Mio Soul Motorcycle a ni Billy Jay Naruno Macusi, 21, bakla, ken residente iti Barangay Ambalayat, Tagudin; natukkol ti akinngato a paset ti makannigid a saka ni Kyel Alnas Las Marias,14, residente iti Barangay Sevilla, Sta. Cruz, Ilocos Sur; ken minor injuries ken ni James Lazaga, bakla, ken residente iti Barangay Rizal, Tagudin, Ilocos Sur.

Malaksid ken ni Lazaga a nagkedked a maiyospital, naitaray amin dagiti biktima agraman ti drayber ti bus iti Southern Ilocos Sur District Hospital and Capillariasis Center iti Barangay Bio ditoy nga ili.

Segun iti inisial nga inbesti-gasion dagiti polis, agpada ti bus ken ti motorsiklo nga agpaabagatan a direksion, immun-una ti motorsiklo. Idi masungadda ti junction, nagsignal ti motorsiklo nga agpakannigid nga agturong iti Suyo-Cervantes road, ngem mapapati a pinadas ti bus nga obertekan ti motorsiklo a puon ti nakadungparanna iti kutit ti motorsiklo.

Naipalladaw dagiti naglugan iti motorsiklo iti agarup walo metro manipud iti point of impact.

Dinungpar met ti bus ti kongkreto a welcome marker ti Barangay Bitalag, ken ti puon ti akasia iti asideg ti marker; kalpasanna, dinungparna ti paset ti kongkreto nga alad ti compound a kukua ti maysa a Rexy Dumaguin ken ti steel garage a nakaiparkingan ti Toyota Innova 2.5G M/T Wagon, model 2005 nga addaan plate numberĀ  XTU 312 a nakadadaelan ti sungo daytoy.

Segun iti report, awan ti aruat a helmet dagiti nagkakasakay iti motorsiklo, awan ti driverā€™s license ti nagmaneho, ken dua ti mapapati nga adda iti babaen ti inpluensia ti arak.

Iti pannakaisurat daytoy, di pay ammo ti pateg dagiti dinungpar ti bus idinto nga agtultuloy ti panagimbestiga dagiti polis.#