STA. MARIA, Ilocos Sur – Nasugatan ti drayber ti maysa a motorsiklo idi nakidinungpar ti luganna iti maysa nga owner-type jeep iti barangay Maynganay Sur, Santa Maria, Ilocos Sur.
Nabigbig ti nasugatan a ni Rizal Perilla, 23, residente iti Rizal St., Zone 2, Bantay, Ilocos Sur.
Iti inisial nga imbestigasion ti polis, agturturong iti amianan a direksion ti Honda Wave a nagluganan ti biktima idi kimmaut iti bangir a lane a puon ti nakidinungparanna iti owner-type jeep nga addaan plaka a DKL-350 ken minaneho ni Manuel Noveloso, 49, ken residente iti Alcala, Pangasinan.
Gapu iti partak ti pasamak, dinungso met ti sumarsaruno a Partas bus a minaneho ni Cesar Ramirez ti kutit ti dyip.
Nasugatan ti driver ti motorsiklo iti nadumaduma a paset iti bagina ket naitaray iti Reyes Clinic and Hospital para iti panakaagasna.