Footer

Motorsiklo, Kia, nagdinnungpar

SANTIAGO, Ilocos Sur – Nakaro a nasugatan ti maysa a motorista idi aksidente a nakidinnungpar iti maysa a lugan idiay Barangay Dan-ar ditoy nga ili.

Nabigbig ti biktima a ni Reynaldo Lazo, 37, residente iti Macaoayan, Burgos, Ilocos Sur, idinto nainaganan ti nangdungpar kenkuana a ni Oscar Viray, 34, residente iti Santa Barbara, Pangasinan.

Segun iti report, agpaamianan ti motorsiklo a Bajaj Kawasaki, addaan plaka a 5546-AN a minaneho ni Lazo idinto nga agpaabagatan ti Kia 2700, addaan plaka WIV-732 a minaneho ni Viray idi nagdinnungparda.

Naipuruak ni Lazo iti sumagmamano a metro ket naitaray iti ospital.

Nakaro ti dadael dagiti dua a lugan.#