Motorsiklo nagdinnungpar, 3 tattao, nasugatan

VIGAN CITY – Tallo a lallaki ti nasugatan iti panagdinnungpar ti dua a motorsiklo iti sanguanan ti tiendaan publiko ditoy iti rabii ti Enero 2.

Nadunor ni Arnel Aguimatong, 38, naasawaan, residente iti Tamurong, Caoayan, Ilocos Sur; Benjamin Anyog, 21, baro, residente iti Barangay Paratong ditoy siudad; ken maysa a nakilugan gapu iti nasao nga aksidente.

Iti inisial nga inbestigasion dagiti polis ditoy, agpaamianan a direksion iti Jose Singson Street ti XRM a motorsiklo a minaneho ni Aguimatong idinto nga agpaabagatan ti chopchop a motorsiklo a minaneho ni Anyog ngem iti sanguanan ti public market ditoy, mapapati a kimmaut ti chopchop iti linia ti XRM a puon ti nagdinnungparanda.

Natulid dagiti lugan a nakadunoran dagiti motorista agraman ti maysa a nakilubbon iti XRM.#