Motorsiklo naikras gapu iti bimmallasiw a nuang

SANTIAGO, Ilocos Sur – Nasugsugatan ti maysa a motorista ken ti kinalubbonna gapu iti pannakaikras ti luganda maigapu iti bimmallasiw a nuang sadiay Poblacion Sur ditoy nga ili itay nabiit.

Nagsagaba kadagiti dunor iti nadumaduma a paset ti bagina ni Raldin Sipin, 24, residente iti Barangay Bigbiga, ken ti kalugaranna a ni Vincent Pacquing a kinalubbonna, maigapu iti pannakaikras ti motorsikloda iti kalsada nasional a sakup ti nadakamat a barangay idi Hunio 2.

Segun iti report, agpaamianan ti Honda Wave a minaneho ni Sipin ngem kellaat a bimmallasiw ti maysa a nuang ket iti panangpadas ni Sipin a manglisi iti daytoy, napukawna ti kontrolna iti manibela a puon ti panaguyas ti lugan iti kalsada ken nakadundunoranda.#