Motorsiklo, naireport a mapukpukaw

QUIRINO, Ilocos Sur – Naireport a mapukpukaw ti maysa a motorsiklo a nakaparking iti uneg ti inaladan ti maysa nga Elmer Duldulao sadiay Barangay Poblacion ditoy nga ili a mapapati a naitaray idi rabii ti Disiembre 17.

Inreport ni Eddie Domingo y Pascua, 21, baro, ken residente iti nadakamat a barangay a mapukpukaw ti Honda XRM 125 a kukua ti kabsatna a ni Juan Carlos nga imparkingna iti inaladan ni Duldulao iti dayta a rabii.

Adda pay laeng ti motorsiklo idi tengnga ti rabii ti Disiembre 17 ngem naduktalan laengen nga awan daytoy iti nakaiparkinganna iti agarup 6:00 ti kabigatanna.

Ti makadakes, nakadulin iti compartment ti motorsiklo dagiti napateg a dokumento.#