Motorsiklo, naitaray

NAGBUKEL, Ilocos Sur – Intaray ti mannibrong ti maysa motorsiklo a naiparking iti sango ti maysa a balay sadiay Barangay Poblacion West ditoy nga ili idi rabii ti Marso 17.

Segun iti report, imparking ni Bernardo Cabang y Gawing, 49, residente iti Barangay Codoog, Narvacan, Ilocos Sur, ti Yamaha Mio 110 a nakarehistro iti nagan ni Vilma de Villa y Cabang, iti sango ti balay ni Pabling Funtanilla iti nadakamat a rabii ngem idi agarup 11:00, naduktalanda nga awanen ti motorsiklo iti nakaiparkinganna.

Inreport da Cabang ken Funtanilla ti panagpukaw ti motorsiklo ket nagsawar dagiti polis ngem awan a nasalawda.

Saan nga ammo no asino ti nangitaray iti lugan.#