Footer

Motorsiklo, naitaray

BANTAY, Ilocos Sur – Intaray dagiti mannibrong ti motorsiklo ti maysa a lalaki a napan naglang-ay iti maysa a paginuman iti Barangay Zone 5 ditoy nga ili.

Segun iti report, imparking ni Anthony Lopez, 28, naasawaan, residente iti Barangay Pagburnayan, Vigan City, iti sanguanan ti pasdek ti DepEd sa napan imminom iti maysa paginuman iti asidegna iti alas onse ti rabii ti Hunio 7.

Idi aggawiden ti biktima iti agarup ala una iti parbangon, awanen ti luganna iti nangiparkinganna.

Nairaman a napukaw ti P2,000 a kuarta ken lisensia ti biktima nga inkabilna iti compartment ti luganna.#