Footer

Motorsiklo, nakidinnungpar iti van

STA. CRUZ, Ilocos Sur – Iti ospital ti nagtungpalan ti maysa a motorista ken ti kasakayna kalpasan a nakidinnungpar iti maysa a double cab iti national highway sadiay Barangay Sidaoen, ditoy nga ili idi agarup 7:41 ti sardam ti Disiembre 11.

Naitaray da Carlo Loque y Menmen, 22, baro, ken ni Jake Jesus Ramos y Baludda, 17, baro, agpada a residente iti Barangay Daligan ditoy met laeng nga ili. Naiyalis ni Loque iti Lorma Hospital sadiay San Fernando City gapu ta nakarkaro ti dunorna.

Segun iti report ti polis, agpaabagatan ti Isuzu Elf a minaneho ni Pepito Paet y Macaraeg, 32, balo, ken residente iti Barangay Lingsat, Bantay, Ilocos Sur, idi kellaat a nagparang ti motorsiklo a minaneho ni Loque a mapapati a nagpanggep a mangobertek iti maysa a Partas bus ket kinadinnungpar ti luganna.

Naitaray iti ospital dagiti dua idinto a naipan ni Paet iti police station agraman ti luganna para iti pannakapalutpotna.#