Motorsiklo, natakaw

VIGAN CITY – Adda manen naireport a natakaw a motorsiklo maysa nga aldaw sakbay ti panagrugi ti panagpiesta daytoy siudad.

Nagreport iti polis ni Joseph Quinto y Palma, 28, naasawaan, ken residente iti Barangay Bayubay Norte, San Vicente Ilocos Sur a natakaw ti motorsiklona nga imparkingna iti asideg ti public market ti siudad idi agarup 330 ti malem ti Abril 30.

Kinuna ni Quinto nga idi agarup 7:30 ti rabii, awanen daytoy daytoy iti nangiparkinganna.

Nagsawar dagiti polis ken nangipatulodda iti flash alarm kadagiti police station a kadarappat ti siudad ngem negatibo pay ti resultana.#