VIGAN CITY – Maysa manen a lalaki ti napukawan iti motorsiklo babaen dagiti mannibrong ditoy siudad idi Mayo 3.
Iti pannakaisurat daytoy, di pay nabirokan ti natakaw ti Honda XRM a motorsiklo ni Wilmer Feria, 17, baro, residente iti Bulag West, Bantay, Ilocos Sur.
Segun iti report, pinanawan ti biktima ti motorsiklona a nakalock ti manibelana iti sikigan ti maysa nga otel iti Gen. Luna Street, Barangay 1 ditoy siudad ket napan nagpasiar iti Heritage Village ngem awanen ti luganna idi agsubli.
Sinawar ti biktima ti luganna ngem dinan nasapulan pay, isu a napanna inreport iti polis ditoy ti pannakapukawna.#