Motorsiklo, natakaw

VIGAN CITY – Natakaw ti maysa a motorsiklo a naiparking iti sanguanan ti balay ti biktima idi rabii ti Enero 10.

Inreport ni Marvin Llanes y Genova, 24, naasawaan, ken residente iti Barangay IX, iti polis ditoy a natakaw ti motorsiklona a Honda Wave 100 cc. a nairehistro iti nagan ti inana a ni Maribeth Llanes nga imparkingna iti sango ti balayda idi agarup alas 9:00 ti rabii.

Segun ken ni Llanes, nakadulin iti compartment ti  motorsiklo ti resibo ken sertipiko ti registration ti motorsiklo.

Pinakdaaran dagiti polis dagiti kaparanget ti siudad nga ili para iti pannakarekobre iti nasao a motorsiklo ken iti pannakatiliw ti nagtakaw.#