VIGAN CITY – Uray iti matatao a lugar, natakaw ti maysa a motorsiklo a naiparking iti sikigan ti Vigan Culture and Trade Center ditoy siudad idi malem ti Agosto 24.
Nagpulong iti polis ni Braulo Guzman y Alimari, 29, naasawaan, ken residente iti Barangay 9, a natakaw ti puraw a motorsiklona a Raines 100 nga imparkingna iti lauden a paset ti Vigan Culture and Trade Center idi agarup 1:00 ti malem sana pinanawan.
Idi nagsubli ni Guzman iti agarup 8:00 ti rabii, awanen ti motorsiklo iti nangiparkinganna.
Sinapul ti biktima ti luganna ngem saannan a nabirokan.
Nangipatulod dagiti polis iti flash alarm kadagiti kabangibang a police stations.#