Footer

Motorsiklo, natakaw

VIGAN CITY – Sabali manen a motorsiklo ti natakaw ditoy siudad idi Nobiembre 8.

Nagpulong ni Rowena Romena y Juanillo, 26, awanan asawa ken residente iti Barangay San Sebastian, San Vicente, Ilocos Sur a natakaw ti motorsiklona a Mio Soul, maris nangisit ken dapo nga imparkingna iti Quirino Boulevard, Barangay Tamag ditoy siudad idi agarup alas 8:00 ti bigat ti Nobiembre 8 sa napan iti imatmatonanna a computer shop.

Segun ken ni Romena, naduktalanna laengen nga awan ti motorsiklona idi agarup alas 6:30 ti malem ti nadakamat a petsa.

Sinapul ni Romena ti motorsiklona ket idi dina nasarakan, inreportnan iti polis.

Nagsawar dagiti polis ngem saanda a nabirokan ti motorsiklo.#