Footer

Motorsiklo, natakaw bayat Valentine’s Day celebration

VIGAN CITY – Saan pay a naammuan ti kinasiasino ti nangtakaw iti motorsiklo ti maysa nga estudiante a dimmar-ay iti Valentine’s Day celebration ti eskuelada idi malem ti Pebrero 14.

Kas maibatay iti police blotter, imparking ni Pocholo Aquino y Chan, 15, estudiante, ken residente iti Barangay Ayusan Norte ditoy siudad, ti motorsiklona a Suzuki Rider iti amianan a paset ti Divine Word College of Vigan idi agarup 4:45 ti nadakamat nga aldaw sa napan nagbuya iti Valentine’s Day celebration ti pagadalan.

Idi sublien ni Chan ti luganna idi agarup 12:00 ti tengnga ti rabii, awanen daytoy iti nangiparkinganna.

Inreport ti biktima ti pannakapukaw ti motorsiklona ket kinuyog dagiti polis a nagsawar ngem saandan a nabirokan pay.#