Footer

Motorsiklo, natakaw iti pagadalan

VIGAN CITY – Naireport a mapukpukaw ti maysa a motorsiklo nga imparking ti akinkukua iti akinlikud a gate ti University of Northern Philippines idi agsapa ti Mayo 4.

Inreport ni Christian Tobia Natadia, 18, Criminology student ken residente iti Barangay Sibed, Sto. Domingo, Ilocos Sur a mapukpukaw ti motorsiklona a Yamaha Mio Sporty, awanan plate number, nga imparkingna a nakakandado iti back gate ti UNP idi agarup 6:30 ti bigat ti nadakamat a petsa.

Awanen ti motorsiklo iti nangiparkinganna idi aggawid koman ni Tobia iti 5:30 ti malem iti dayta met laeng a petsa.

Nagsawar dagiti polis ken nangipatulodda iti flash alarm kadagiti kabangibangna a police stations ngem agingga iti pannakaisurat daytoy ket awan pay a nasarakan ti motorsiklo.#