Motorsiklo, natakaw iti sango ti kapitolio

VIGAN CITY – Naitaray ti maysa a motorsiklo a naiparking iti lauden a paset ti Plaza Salcedo iti sango iti provincial capitol, Barangay I ditoy siudad bayat ti panag-jogging ti akinkukua idi agarup 6:00 ti agsapa ti Nobiembre 25.

Inreport ni Dominic Sotelo y Bautista, 32, baro, ken residente iti Barangay Cabalanggan, Bantay, Ilocos Sur a natakaw ti nalabaga a motorsiklona a Honda TMX 155, awanan plate number, nga imparkingna iti nasao a lugar sa napan nag-jogging iti aglawlaw ti city proper.

NaduktalanĀ  laengen ni Sotelo nga awanen ti motorsiklona iti nakaiparkinganna idi agsubli isu nga inreportna iti polis.

Sinawar dagiti polis ken ni Sotelo ti mapukpukaw a motorsiklo ngem dida nasapulan.

Segun ken ni Sotelo, saan a naka-locked ti motorsiklona.#