STA. CRUZ, Ilocos Sur – Natakaw ti maysa a motorsiklo iti mismo a sanguanan ti simbaan katoliko iti Poblacion Sur idi malem ti Hunio 3 ditoy nga ili.
Nagpulong iti polis ni Bryan Agustine y Marquez, 19, baro, residente ti Barangay Sidaoen ditoy nga ili nga intaray dagiti di pay nabigbig a mannibrong ti nangisit a Honda Wave 100 a motorsiklona nga imparkingna idi agarup 9:45 ti bigat ti nadakamat nga aldaw iti sanguanan ti simbaan katoliko a masarakan iti Poblacion Sur ditoy nga ili sa napan nakimisa.
Kinuna ti biktima nga idi nagsubli iti nangiparkinganna iti motorsiklona idi agarup 11:00Â kalpasan ti misa, awanen daytoy iti nakaiparkinganna.
Nagsawar dagiti polis ngem saanda a nabirokan ti motorsiklo.#