Mula a marihuana, napuoran

SANTOL, La Union – Napuoran dagiti marihuana a naparut iti nagbeddengan Benguet ken daytoy nga ili idi Agosto 20 iti plasa ditoy.

Mapattapatta nga agpateg iti P1.5 milion ti balor dagiti mula a marihuana a naparut iti maysa ektaria a plantasion iti nagbedngan ti Sibungan, Benguet ken daytoy nga ili idi Agosto 5.

Inimatangan dagiti opisial ti ili, estudiante, kamkameng ti PNP ken sumagmamano a kameng ti media ti ceremonial burning ti nasao a mula a marihuana.

Dukduktalen pay laeng dagiti otoridad no sino dagiti nagmula iti daytoy maiparparit a mula.#