Multi-cab nasukalan nagkarga iti narra logs

TAGUDIN, Ilocos Sur –  Maysa a multi-cab ti nasalamaan dagiti opisial ti Barangay Baracbac ditoy nga ili a nagkarga iti narra logs idi sardam ti Abril 10.

Segun iti report, maysa a Barangay Captain Silvermar Galboy y Bistoyong, iti Baringcucurong, Suyo, Ilocos Sur ti nagmaneho iti multi-cab a nagkarga iti walo a saan a dokumentado a narra logs.

Mapapati nga idi pinasardeng da Aguilar ken dagiti tanod ti multi-cab, inkandado ni Galboy dagiti ruangan ken tawa ti multi-cab sana dinagdagus a pinanawan.

Naipan dagiti logs iti Tagudin Police Station para iti umisu a disposision idinto a nagtalinaed ti multi-cab iti lugar a nakapasardenganna agsipud ta nakakandado dagiti ridaw ken tawana.

Nagmarka ti multi-cab iti “Serbisyo Panagdur-as Cong Eric D. Singson.#